Protesta e së shtunës ka krijuar mjaft shqetësim nga partnerët tanë, pasi sikur të mos mjaftonte një reagim i Ambasadës së SHBA-së dhe asaj të Italisë, të tjera seli diplomatike u bëjnë thirrje shtetasve të tyre që të tregohen të kujdesshëm.
Ambasada e Francës në Tiranë përmes një njoftimi në faqen e saj zyrtare, u bën thirrje qytetarëve që të jenë vigjilentë në zhvendosjet e tyre brenda kryeqytetit gjatë ditës së shtunë, pasi ekziston rreziku real për ngjarje të dhunshme.
Ndërkohë që një reagim vjen edhe nga Ambasada e Hollandës, e cila gjithashtu bën thirrje të shmanget protesta e opozitës, pasi mund të jetë e rrezikshme për qytetarët e saj.
“Partia më e madhe opozitare në vend ka bërë thirrje për një protestë masive kundër qeverisë në kryeqytetin Tiranë, më 13 maj.
Monitoroni mediat lokale dhe ndërkombëtare dhe kujdesuni e merrni të gjitha masat për të shmangur protestat dhe demonstratat politike.
Nëqoftëse e keni të mundur, shmagni kalimin në sheshin qëndror të Tiranës, sheshin ‘Skënderbej’, bulevardin, sheshin ‘Nënë Tereza’ dhe zonën e ish-bllokut. Një paradë e komunitetit LGBT pritet gjithashtu të organizohet të shtunën në qendër të Tiranës.
Stafi i Ambasadës së Holandës në Shqipëri ka këshilluar që të shmangen edhe këto ngjarje, sepse në të njëjtën datë do të mbahet edhe protesta e opozitës.”, thuhet në njoftimin e ambasadës. (D.D/Shuplaka)
[ngg_images source=”galleries” container_ids=”1786″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post