Ambasada e SHBA-se e futi në listën e zezë për vizën po Gjyqtari s’kursehet në urim: Ishin ata pa jemi ne

Gjyqtari i Shkallës së Parë të Tiranës, Artan Lazaj, ka qenë një nga emrat  “listës së zezë të vizave”. Këtyre personabe u anulohet apo refuzohet hyrja drejt SHBA-ve.

Megjithatë kjo nuk e ka penguar atë që të urojë sot SHBA-të me rastin e festës kombëtare të Pavarësisë.

“Një urim të veçantë për ditën e Pavarësisë së USA. Ishin ata pa jemi ne si shtet dhe si komb. Faleminderit USA. Përparimi juaj është përparimi ynë”, – shkruan Lazaj.

Gjyqtari i Tiranës, Artan Lazaj iu bashkua Kryeprokurorit Adriatik Llalla në listën e punonjësve të sistemit të drejtësisë të cilëve u është refuzuar viza për në SHBA.

Llalla ishte i pari zyrtar i drejtësisë që pranoi se ambasada i ka revokuar vizën, ndërsa po ashtu u sqarua se viza i është refuzuar dhe shefes së sektorit të dekriminalizimit, prokurores Rovena Gashi.

Refuzimi i vizave për gjyqtarët e prokurorët, çfarë tha Ambasada Amerikane

Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza.

Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale.

(E.K/SHUPLAKA)