Ambasada e Holandës në vendin tonë në një deklaratë të bërë publike u bën thirrje të gjitha forcave politike të vazhdojnë të angazhohen në dialog për të siguruar që zgjedhjet të zhvillohen në përputhje me standardet ndërkombëtare dhe me pjesëmarrjen e të gjitha palëve.
“Të gjithë udhëheqësit politikë duhet të jenë në lartësinë e përgjegjësisë së tyre lidhur me stabilitetin e vendit. Edhe pse zgjedhjet pa pjesëmarrjen e opozitës do të ishin shumë për të ardhur keq, ato do të vlerësohen sipas meritave të tyre, bazuar në standardet ndërkombëtare” thuhet ne deklaratë.
Ambasada holandeze shkruan se Brukseli ka vlerësuar progres të prekshëm në përmbushjen e pesë prioriteteve kyçe për hapjen e negociatave, por kjo duhet të përfshijë rezultate të besueshme edhe në luftën kundër drogës dhe kriminalizimit të politikës shqiptare. (M.D/Shuplaka)
Discussion about this post