Ina Zhupa, Zëdhënësja e Partisë Demokratike, me anë të një postimi në rrjetet sociale ka sulmuar kryeministrin Rama pasi ky i fundit i quajti të “leshtë” ambasadorët, duke i kujtuar se me taksat më të larta në rajon nuk ka ambassador në botë që ta bëjë Shqipërinë tërhesëse për investitorët e huaj.
Ajo gjithashtu ironizon Ramën duke thënë se kontributi I tij madhor në diplomacy janë atletet adidas.
POSTIMI I PLOTË:
Asgjë të re nuk na tha Rama për diplomacinë shqiptare nën drejtimin e fisit Bushati.
Një dështim spektakolar i thënë dhe i stërthënë, ku Rama mban fajin kryesor.
Bushati do mbahet mend që nga ligji që ndryshuan me mungesë të thellë të njohurive në politikën e jashtme, emërimet familjare, nepotike, klienteliste, lobimi mediokër dhe i dështuar për çështjet shqiptare, diplomacia publike e papërkrahur, diplomacia ekonomike jo ekzistente, marrëdheniet bilaterale në rolin e inferiorit , roli në organizatat ndërkombëtare i mangët dhe diletant, mungesa e marrëveshjeve të reja, përfaqësim jo dinjitoz në samite, kongrese, konferenca ndërkombëtare.
Rama spikat me kontributin e tij madhor në diplomaci me atletet Adidas. Ndërkohë që me imazhin që i ka krijuar vendit si hambari i drogës së Europës, me dëbimin në barrelë të investitorëve të huaj, me taksat më të larta në rajon nuk ka ambasador nga më të aftët në botë që mund ta bëj Shqipërinë tërheqëse për investimet e huaja.
(B.H/Shuplaka)
Discussion about this post