Ambasadori i SHBA, Donald Lu dhe ai i OSBE në Shqipëri, Bernd Borchardt po zhvillojnë një takim me kreun e PD, Lulzim Basha. Pavarësisht se vendi ‘’gëlon’’ pas akuzave të Ministrit të shkarkuar Manjani nga ambasadorët nuk ka patur një reagim për këtë çështje. Kujtojmë se ambasadori i SHBA-ve Donald Lu ka qenë një nga të parët që ka folur për arrestimin e Klement Balilit dhe dështimin e institucioneve në këtë drejtim.
Mirëpo edhe pse në këtë linjë ishin edhe akuzat e djeshme të Manjanit për këtë ambasadoti Lu ka hezituar të ketë një reagim të deritanishëm.
Dy ambasadorët kanë mbërritur në selinë blu paraditen e sotme rreth orës 10:00, ndërsa në qendër të diskutimit ka qenë kërkesa e PD për votimin elektronik me cdo kusht në zgjedhjet e 18 qershorit.
Por, mazhoranca dhe mbi të gjitha vetë OSBE përmes ambasadorit të saj në Shqipëri, Bernd Borchardt është shprehur qartë se aplikimi i votimit elektronik në zgjedhjet e qershorit është i pamundur, pasi nuk ka kohë, ndërsa nuk ka as garanci.
Vetë PS përmes kryetarit, njëkohësisht edhe kryeministër i vendit i është përgjigjur disa herë opozitës se nëse marrin ‘OK’ e OSBE janë dakord, por që të ndodhë një gjë e tillë është e pamundur. (E.K/SHUPLAKA)
Discussion about this post