Ambasadori i SHBA-së në Kosovë, Greg Delawie, flet për herë të parë për idënë e krijimit të “Shqipërisë së Madhe”. Në një intervistë për “Sporazum”, Delawie është shprehur se Kosova është një shtet i pavarur dhe është e drejtë e një shteti të pavarur të ketë një ushtri nëse ai dëshiron.
“Është çështje sovraniteti”, thekson Delawie.
Ndërkohë, lidhur me idenë e krijimit të Shqipërisë së Madhe, ai është shprehur kundër saj.
“Sa i përket Shqipërisë së Madhe, unë mendoj se kufijtë e Ballkanit kanë ndryshuar boll në dekadat e fundit, dhe unë jam shumë i kënaqur me kufijtë e sotëm”, deklaron Delawie.
“Ne mbështesim Kosovën dhe kufijtë e saj aktualë, kufijtë që ajo i ka që prej pavarësisë së saj, kufijtë që janë në flamurin e Kosovës, dhe ne vazhdojmë të mbështesim Kosovën si shtet i pavarur e Sovran. Ne po punojmë për të bërë një Evropë të kompletuar, të lirë dhe paqësore, në fjalët e Churchillit, dhe ne besojmë se Ballkani në veçanti, dhe Evropa në përgjithësi, do të jenë më mirë me një Kosovë sovrane e të pavarur, në paqe me fqinjët e saj”, deklaron ambasadori amerikan. (D.D/Shuplaka)
Discussion about this post