Gjatë takimit të zhvilluar në Shkodër, për mundësitë e parandalimit të krimit dhe aktivitetit kriminal tek të rinjtë, me prani të ambasadorit britanik në Tiranë, Duncan Norman, ka patur një ‘incident’.
Zëvendës Kryeministrja, Senida Mesi, është larguar nga takimi pas përfundimit të fjalës së ambasadorit Norman, për situatën e krimit nga shqiptarët në Britaninë e Madhe.
“Fatkeqësisht kemi edhe shtetas shqiptarë që janë përfshirë në krimin e organizuar.
Kemi mbi 150 mijë shqiptarë që jetojnë në Britaninë e madhe. Në Britaninë e Madhe, statistikat janë të frikshme në burgjet tona janë 742 shtetas shqiptarë, kryesisht të arrestuarit janë nga Shkodra, Kukësi dhe Dibra.”-është shprehur ambasadori.
Mesi ka thënë se duhet të largohej, pasi kishte punë në Tiranë. Ndërkohë që deputeti demokrat Romeo Gurakuqi, ka replikuar me Mesin duke e pyetur sepse duhet të largohej për një takim tjetër, kur ndodhej tashmë në një takim.
Gurakuqi ka thënë se Mesi duhet të qëndronte për diskutimet në lidhje me tentativat për burgosjen e opozitës.
Replikat mes tyre:
Mesi: Më lejoni..
Gurakuqi: Mund ta di pse po largoheni, cila është arsyeja?
Mesi: Unë kam një takim në Tiranë. Duhet të shkoj në mënyrë urgjente…
Një nga pjesëmarrësit: Ju keni ardhur në një takim..
Mesi: Kam përfaqësi, kam lënë përfaqësi këtu..
Gurakuqi: Kemi çështje me ju, për tentativat për burgosjen e opozitës…
Mesi: Nëse keni ndonjë program ju ftoj në zyrë dhe diskutojmë
Gurakuqi: Jo nuk ka, do diskutojmë këtu.
VIDEO:
https://www.youtube.com/watch?v=daEYU9B7N_s&feature=youtu.be
(F.G/Faxweb.al)
Discussion about this post