Ambasadori i ri i Gjermanisë në Kosovë, Christian Heldt, gjatë vizitës së tij në Kosovë, ka porositur drejtuesit e institucioneve kosovare se liberalizimi i vizave me BE-në varet nga sa shpejt ato e përmbyllin Demarkacionin e Kufirit me Malin e Zi, si dhe ta luftojnë krimin e organizuar dhe korrupsionin.
Më tej, ai i kushton rëndësi edhe nivelit të korrupsionit duke këshilluar se duhet vazhduar lufta kundër tij sepse edhe ky kriter i hapur për liberalizimin e vizave.
Diplomati i ri gjerman gjatë intervistës së parë për një medie në Kosovë ka folur edhe për themelimin e Asociacionit të Komunave me Shumicë Serbe, ku ka deklaruar se ky i fundit duhet të formohet në përputhje me ligjet e vendit, pasi që ky hap, siç thotë ai, do të duhej ta mundësonte një integrim më të mirë brenda Kosovës.
Heldt, po ashtu, ka thënë se të ftuarit nga Gjykata Speciale duhet të paraqiten vullnetarisht, ose ftesa e Gjykatës duhet zbatuar nga institucionet kosovare të sigurisë. “Ky do të jetë një shembull tjetër për ta parë se si veprojnë në ndërkohë institucionet e drejtësisë dhe autoritetet përgjegjëse për sundimin e ligjit në Kosovë”, ka thënë mes tjerash ambasadori Heldt.
Gjithashtu diplomati gjerman ka folur edhe për bashkimin e Gjermanisë, e cila ka ndodhur pikërisht më 3 tetor të vitit 1990, duke thënë se një bashkim i tillë para 27 vjetëve e ka arsyetuar premtimin për bashkimin e kontinentit tonë, që vlen edhe sot për vendet e Ballkanit Perëndimor.
( B.N/SHUPLAKA)
