Ambasadori i OSBE-së Borchardt zbarkon në Shkodër, takim dy orësh me Ademin

Pavarësisht se jemi në muajin e pushimeve, veç presidentit Meta, pushime nuk ka dhe për ambasadorin e OSBE-së në vendin tonë Bernd Borchardt, i cili ka zhvilluar sot një takim dyorësh me kryebashkiaken ende në detyrë të Shkodrës, Voltana Ademi.

Takimi mes të dyve është zhvilluar në godinën e Bashkisë së Shkodrës, në fund të të cilit ambasadori nuk preferoi të komentojë, por ka thënë vetëm se “ishte një takim i zhvilluar prej dy orësh, ku jane diskutuar shume gjera”.

I pyetur nese eshte folur rreth zgjedhjeve vendore te 30 qershorit dhe se çfare mund te ndodhë më tej, ambasadori u shpreh shkurtimisht “natyrisht që mund të ketë zhvillime”.

Burime bëjnë me dije se Ademi i ka shprehur problematikat për paligjshmërinëe zgjedhjeve vendore të 30 qershorit siç pretendon opozita dhe shkelje te tjera.