Pak dite pasi ambasadori amerikan në Tiranë, Donald Lu teksa falenderoi gazetarët kurajozë që shkruan për persona të rëndesishëm që tashmë nuk janë më në Kuvend, mes të cileve edhe ish-deputeti socialist Koço Kokëdhima, kreu i partisë “Zgjidhja”, i është drejtuar ambasadorit me një letër.
I pyetur nga gazetari Bledian Koka se çfarë përmbante letra zyrtare drejtuar ambasadorit Lu, Kokëdhima u shpreh se është një letër shpjeguese, por nuk shpjegoj më tepër detaje rreth përmbajtjes së saj.
Kokëdhima u shpreh se përmendja e emrit të tij është thjesht një lajthitje.
“Ajo është një letër që unë ja kam dërguar ambasadorit në emrin tim dhe të partisë “Zgjidhja”, është një letër shpjeguese, nuk do të them më shumë rreth saj sepse kështu e kam menduar. Përmendja ime është thjesht një lajthitje. Ju e dini shumë mirë të vërtetën e mandatit tim, mandati im u godit nga tre lidërët e partive të vjetra. Unë nuk jam shpallur fajtor për ndonjë gjë. Me akuzojnë se kam krijuar një kompani dhe ky nuk është një krim. Unë kam ardhur në politikë i pasur dhe nuk jam për të pasuruar veten, por jam për të pasuruar popullin tim.”
(M.Q/Faxweb)
Discussion about this post