Ministria e Jashtme e Malit të Zi ka thirrur për një bisedë ambasadorin serb, Vladimir Bozhoviç, për incidentet e mbrëmshme në Beograd, ndërsa mësohet se ndaj tij ësthtë paraqitur një notë proteste.
Ndërkkohë nga ana e Bozhoviç ka refuzuar ta pranojë notën e protestës nga Ministria e Jashtme e Malit të Zi. Kjo është bërë e ditur nga ministria e jashtme malazeze që drejtohet nga Sërxhan Darmanoviq, raporton RTCG,.
Bozhoviq u thirr në intervistë në Ministrinë e Punëve të Jashtme sot për t’iu ofruar nota e protestës lidhur me ngjarjet e fundit jashtë ambienteve të Ambasadës së Malit të Zi në Beograd dhe përpjekjen e mbrëmshme për djegjen e flamurit malazez.
Ambasadori Bozhoviq ka dënuar rastin me flamurin duke e cilësuar si një veprim të papërshtatshëm.
Sipas tij, kjo në asnjë mënyrë nuk pasqyron qëndrimin zyrtar të shtetit të Serbisë ose qytetarëve të tij, transmeton
Mbrëmë, mediat raportuan se tifozët e klubit të basketbollit Crvena Zveda protestuan para ambasadës malazeze në Beograd dhe ndezën flamurin malazez me fishekzjarre.
Ministria malazeze e dënoi ashpër incidentin përpara Ambasadës së Malit të Zi në Serbi.
“Për shkak të përpjekjes për të ndezur flamurin e Malit të Zi dhe sulmeve të vazhdueshme mbi flamurin malazez dhe Ambasadën në Beograd, ambasadori serb në Mal të Zi Vladimir Bozhoviç është ftuar në një bisedë në Ministrinë e Punëve të Jashtme”, thuhej në reagim.
“Ne i bëjmë thirrje Qeverisë së Republikës së Serbisë, në përputhje me legjislacionin e saj kombëtar dhe konventat ndërkombëtare, të përgjigjen urgjentisht ndaj këtij akti vandal dhe të ndërmarrin masa të duhura sa më shpejt kundër organizatorëve dhe autorëve që shkelin sigurinë e ambienteve të Ambasadës së Malit të Zi”, tha Ministria e Jashtme e Malit të Zi.
(F.GJ/FAXWEB.AL)
