Ambasadorja e Shteteve të Bashkuara të Amerikës në OKB, Nikki Haley, ka zbuluar rrënjët e saj në Shqipëri, teksa ka pohuar publikisht se bashkëshorti i saj është me origjinë shqiptare.
Nikki Haley e ka bërë këtë deklaratë gjatë pritjes së organizuar nga Konsullata e Përgjithshme e Kosovës në Nju Jork dhe Dhoma Amerika në Kosovë, ku ishin të ftuar ambasadorë të akredituar në OKB dhe përfaqësues të diasporës shqiptare e të bizneseve amerikane.
“Ne deshëm të merrnim pjesë në këtë aktivitet për disa arsye. Jam këtu me burrin tim, gjyshi i të cilit erdhi në Amerikë nga Shqipëria. Ne kemi shumë gjëra të përbashkëta me kosovarët në komunitetin shqiptar. Ne po përpiqemi që Kosova të marrë njohjen e të gjithë vendeve në OKB dhe do të vazhdojmë ta bëjmë këtë derisa Kosova ta fitojë njohjen”, tha Haley.
Ajo hjithashtu kujtoi si shqiptarët e Kosovës u treguan të gatshëm të ndihmonin kur Teksasi u godit nga uragani këtë vit. (B.H/Faxweb)
