Pas vendimit të kryeministrit Edi Rama për t’u tërhequr nga zgjedhjet për bashkinë e Kavajës, reagon edhe ambasadorja e Gjermanisë në Tiranë, Suzan Schutz.
Sipas ambasadores, ky veprim i shërben zgjidhjes së krizës politike. Schutz u bën gjithashtu thirrje palëve politike që të mos bëjnë veprime të tilla që një protestë paqësore të shndërrohet në dhunë.
“Ambasada Gjermane ka mirëkuptim për vendimin për shtyrjen e zgjedhjeve lokale në Kavajë, për të mbajtur të hapur kësisoj rrugën për bisedime midis qeverise dhe opozitës në interes të një zgjidhjeje të krizës aktuale politike dhe pjesëmarrjen sa më të gjerë te politike në zgjedhjet parlamentare.
Ne mbështesim përpjekjet e palëve të përfshira për të vazhduar këtë dialog me qëllimin për të gjetur një zgjidhje në bazë të kushtetutës së Shqipërisë. Njëkohësisht u bëjmë thirrje të gjitha palëve të shmangin ҫdo veprim që mund të ndikojë që një protestë paqësore të shndërrohet në dhunë.”, tha Suzan Schutz. (D.D/Shuplaka)
Discussion about this post