Nga një takim në Korçë Ambasadorja e Hollandes Dewi Van de Werd ka thënë se ky do të jetë një vit shumë i rëndësishëm përsa i përket zbatimit të Reformës në Drejtësi.
‘’Ky do të jete një vit i mundësive të mëdha sa i takon risive që do të sjellë reforma në drejtësi. Qytetarët e politikanët kanë pasur vullnet për miratimin e reformës. Në 2017 do të filloje zbatimi i saj, kjo është tepër e nevojshme për gjithë popullatën. Dje dëgjova një proverb: asnjëri mos paste punë me gjykatën e spitalin.
Kjo tregon se qytetarët nuk i besojnë gjykatës. Këtu ka një të vërtetë dhe duhet të ndryshoje perceptimi, askush nuk është i paprekshëm. Këtë vit gjykata duhet të fitojë kredibilitet. Reforma është një shtysë edhe për antarësimin në BE për shkak të luftës kundër korrupsionit dhe krimit të organizuar pasi askush nuk është i paprekshëm.
Si ambasadë jemi perfshire që në fillim në reformën në drejtësi duke dhënë ekspertizën tonë. Kemi mbështetur ligjin për bilbilfryrësat si edhe një revistë shkencore. Magjistrati i shtypit është tashmë pjesë e organikës së gjykatës në ndihmë të transparencës. Ky funksion do përmirësoje marrëdheniet e qytetarëve me gjykatën. Kur media raporton për çështje sensitive mund të ketë raportime jo të sakta. Ndërkohë referimet nga gjyqtari për shtypin do të jenë më të specializuara duke dhënë edhe informacione më të sakta. Jam e kënaqur që vijmë sot ne gjykatën e Korçës për të ndarë eksperiencen e suksesshme të gjykatës hollandeze në këtë drejtim. Shpresojmë që në fund të 2017 të dalin edhe rezultatet e para të zbatimit të reformës në drejtesi”, ka thënë ajo ndër të tjera ambasadorja.
