Ambasadorja amerikane në OKB Nikki Haley ka mohuar që të ketë një lidhje jashtë martese me Presidentin Donald Trump.
Haley ka bërë këtë deklaratë pasi i është përgjigjur Michael Wolff, autorit të librit “Fire and Fury”. Në këtë libër të botuar së fundmi ku flitet për presidencën e Trump, autori Michael Wolff ka thënë se po hetonte një aferë seksuale në Presidencë. Sapo ai bëri këtë deklaratë, në internet u përfol për Nikki Haley.
“Kjo nuk është absolutisht e vërtetë”, mohoi ambasadorja amerikane në OKB. Ajo thotë se gratë e suksesshme përgjithësisht vendosen përballë këtyre gënjeshtrave gjatë karrierës së tyre.
Ajo i ka theksuar lexuesve se “duhet të lexoni mes rreshtave dhe kur të gjeni paragrafin, atëherë do ta kuptoni për kë bëhet fjalë”. (J.V/Faxweb)
Discussion about this post