Ambasadorja e Shqipërisë në Holandë Adia Sakiqi me deklaratat e saj të bëra së fundi ka tronditur mjaft.
Në një kohë që në Holandë ka një raport të Policisë drejtuar Parlamentit për heqjen e vizave për shqiptarët vetë Sakiqi e ka mohuar një fakt të tillë.
Pas kësaj një nga gazetat më të mëdha në Holandë ‘’De Telegraaf” ka shkruar se ambasadorja ka mohuar një fakt për të cilën ishte vendosur në dijeni.
Po ambasadorja Sakiqi nuk është mjaftuar me kaq . Si për t’u hakmarrë ndaj Holandës ajo u shpreh se vetëm prej prostitucionit të legalizuar në Holandë vinë një numër shumë i lartë turistësh.
‘’Adia Sakiqi tha edhe më shumë marrëzira. Ajo deklaroi se Policia dha thjesht një përshkrim për punën e tyre, pas arrestimit të një vrasësi shqiptar, para dy javësh. Por, raporti për shqiptarët është botuar para arrestimit.
Ambasadorja provoi në edicionin informativ që të hiqte vëmendjen nga problemi i krimit shqiptar, duke thënë që Amsterdami është një qytet ku turistët vijnë vetëm për drogën dhe për prostitutat.
Konkluzionet e forta që u morën në ketë raport të Policisë: në tregun holandez të drogës dhe të prostitucionit, kriminelët shqiptarë luajnë një rol parësor”, thuhej ndër të tjera në reagimin e medias spanjolle.
“Shuplaka” disa muaj më parë ka publikuar CV-në e çuditshme të Sakiqit, ku në përmbajtje të saj nuk ka të shënuar mbarimin e asnjë universiteti. Ose të paktën vetë ajo ka shkruar se ka “lexuar” filozofi, pra jo detyrimisht nënkupton diplomimin në ”bachelor”. Ndërsa masterin e ka mbrojtur në filozofi.
Sigurisht që Sakiqit mund t’ia kenë bërë CV-në edhe njerëz nga stafi i Ministrisë së Jashtme po kjo nuk justifikon faktin se vetë ambasadorja duhet t’ia hidhte një sy.
Sakiqi ka marrë postin e ambasadores që prej vitit 2014 në qeverisjen e Ramës. Ndërsa dje kryeministri nuk la gjë pa thënë për shërbimin e jashtëm diplomatik. Të ketë pasur në mendje dhe Sakiqin?!
(E.K/SHUPLAKA)
