Një zyrtar i Shtëpisë së Bardhë ka bërë me dije se presidenti i Shteteve të Bashkuara, Donald Trump, është “i kënaqur” me zotimet e aleatëve të NATO-s për të rritur shpenzimet në mbrojtje, por ka paralajmëruar se ai do të tërhiqet nga aleanca nëse aleatët nuk i përmbushin premtimet.
“Ai nuk do të mbetet në NATO nëse NATO-ja nuk bën më shumë përparim së shpejti”, ka thënë zyrtari amerikan, raporton “Rel”.
Trumpi do të takojë liderët e tjerë të NATO-s në një samit në Bruksel më 25 maj. Presidenti Trump e kishte akuzuar Naton edhe gjatë fushatës elektorale për President, duke e quajtur si të pa dobishme dhe të vjetëruar.
Muajin e kaluar Trumpi ka thënë se aleanca nuk është më “organizatë e vjetruar”, kjo deklaratë erdhi pasi Nato deklaroi se do rrisë shpenximet ushtarake dhe i’u bashkua koalicionit kundër terrorizmit. Marrëdhënia mes SHBA-ve dhe Natos ende nuk është e qartë dhe kjo ka prodhuar konfuzion tek vëndet anëtare të aleancës së Atlantikut të Veriut. (B.H/Shuplaka)
