Shqipëria feston sot Festën e Pavarësisë, por përveç motit të keq dhe rreshjeve të shiut Tiranën nuk e kanë ngrohur as festimet e qytetarëve. Pa flamuj, përherë e më pak veshje kuqezi, kjo ka qenë panorama e sotme, jo vetëm e kryeqytetit.
Ndërkohë në kontrast me festën e shqiptarëve, disa shtetas amerikan shprehen më entuziastë se ne një takim festiv. Madje sipas tyre është e çuditshme sesi ne festojmë me fishekzjarre ardhjen e Vitit të Ri dhe nuk bëjmë të njëjtën gjë me një festë kaq të rëndësishme si Pavarësia.
‘’Disa amerikanë, të lumtur që merrnin pjesë në një darkë festive në Tiranë për Pavarësinë e Shqipërisë, ishin veshur me flamuj e veshjet tona popullore, duke menduar se në te gjithë do ishim veshur ashtu. Një prej tyre pyeti: – Pse nuk është festa juaj më madhe kjo, sepse në Amerikë ska festë më të madhe se 4 korriku, gjithe fishëkzjarret derdhen atë ditë. A nuk duhet të jetë vërtetë kështu, po sikur gjithë ato festime që bëjmë për vitin e ri apo festat fetare ti kulmonim me festën e pavarësisë?’’, kështu shprehet gazetarja Eva Kushova pas një takimi të zhvilluar në një qendër shqiptaro- amerikane.
Discussion about this post