Kohët e fundit Amarda Toska nuk është shfaqur në publik dhe nëse keni qenë kuriozë për të ditur arsyen, shkaku është se ajo është në pritje të ëmbël.
Po, siç bën me dije edhe Xing.al, Ami është 3-muajshe shtatzënë. Kujtojmë se ky portal është në pronësi të Ermal Mamaqit, ndaj edhe lajmi nuk mund të jetë i pavërtetë.
Ami dhe Ermali u bënë prindër për herë të parë rreth 4 vite më parë. Nëpër intervista, çifti ka deklaruar se duan një familje të madhe dhe se fëmija e dytë nuk do mungonte.
Momenti erdhi dhe Joeli i vogël sëshpejti do të bëhet me një motër ose vëlla. Po ashtu një foto është bërë publike, ku çifti duket shumë i lumtur ndërsa Ami mban në duar testin e shtatzënisë. Fotoja duket të jetë realizuar në verë. (D.D/Shuplaka)
