Ministri i Brendshëm, Saimir Tahiri u ka bërë sërish thirrje qytetarëve që të dorëzojnë armët pa leje brenda muajit prill 2017.
Me anë të një postimi në rrjetet sociale, Tahiri shprehet se, sot u miratua në qeveri vendimi për amnistinë për armët pa leje.
“Sot miratuam në qeveri, Jo Ndjekje Penale dhe Zero Dënim për ata që dorëzojnë armën brenda 30 Prill 2017”, shkruan ministri i Brendshëm Saimir Tahiri.
Pak javë më parë Tahiri anoncoi fushatën “Duaj, mos gjuaj”, që synon ndërgjegjësimin e popullatës për dorëzimin e armëve që kanë në posedim.
