Në raportin e publikuar së fundmi nga “Amnisty International” renditen një sërë faktesh shqetësuese për Shqipërinë. Vendin ynë renditet në vendin e 62 në raportin për Të Drejtat e Njeriut për vitin 2016-2017.
Që në krye “AI” ndalet tek komunitetet rome dhe egjiptiane, kushtet e këqija në të cilat ato jetojnë dhe dëbimi i tyre me forcë nga banesat tek Bregu i Lumit, duke “kryqëzuar” kështu Veliaj.
“Në qershor, autoritetet lokale në Tiranë kërcënuan për të nxjerrë me forcë mbi 80 familje – kryesisht rome dhe egjiptiane – që jetojnë në zonën e Bregu i Lumit, një zonë në rrezik për t’u përmbytur nga lumi i Tiranës. Autoritetet nuk arritën të siguronin konsultim të vërtetë dhe strehim alternativ. Pas ndërhyrjes së aktivistëve të strehimit dhe Avokatit të Popullit të Shqipërisë, dëbimet janë shtyrë përkohësisht në fund të shtatorit. Si pjesë e “planit të ndërhyrjes”, të propozuar nga Kryetari i Bashkisë së Tiranës, familjet u është dhënë mundësia për zhvendosjen e tyre.”, citohet në raport.
“Zhdukjet” është një tjetër çështje ku ndalet “Amnesty International” sa i takon Shqipërisë, ku përmendin konkretisht e Remzi Hoxhës. Sa i përket zhdukjes dhe vrasjes së biznesmenit shqiptaro-maqedonas pas më shumë se 20 vitesh, “AI” shprehet se zbardhja e ngjarjes nuk ka pasur progres.
“Sistemi i drejtësisë” një tjetër pikë e nxehtë ku ndalet “Amnesty International”: “Në qershor, një gjykatë pezulloi Drejtorin e Përgjithshëm të Policisë së Shtetit për abuzim me pushtetin dhe pjesëmarrje në vendosjen e pajisjeve përgjuese në komisariatet e Policisë. Në përgjigje, Kryeministri dhe Ministri i Punëve të Brendshme akuzuan gjyqtarin se po i shërbente opozitës duke minuar pavarësinë e gjyqësorit. Drejtori i Përgjithshëm i Policisë mbeti i pezulluar deri në fund të vitit.”
“AI” ngre edhe shqetësimin për numrin e madh të azilkërkuesve shqiptarë, çështje për të cilën shprehet se “rreth 20,000 shqiptarë aplikuan për azil në vendet e BE-së, shumica e tyre në Gjermani, por pjesa më e madhe u refuzuan.
Keqtrajtimet në burgje, kushtet e këqija, cenimi i Të drejtave të Fëmijëve, janë të tjera çështje që përbëjnë raportin e “Amnesty International” për Shqipërinë.
“Në mars, Komiteti Europian për Parandalimin e Torturës (KPT) ka shprehur shqetësime lidhur me kushtet e paraburgimit në Shqipëri. KPT-ja dokumentuar raporte të shumta nga të paraburgosurit – duke përfshirë të mitur – për keqtrajtim nga punonjësit e policisë, në disa raste në arritje të torturës. U mungon përparimi në kujdesin shëndetësor, aktivitetet dhe kujdesi i specializuar me kusht për të burgosurit.
Në maj, tortura apo keqtrajtime të tjera të fëmijëve, përfshirë abuzimin seksual të vajzave, u raportuan në një jetimore në qytetin e Shkodrës, duke shkaktuar një skandal kombëtar, pasi Prokurori i rrethit zbuloi shkallën e abuzimit. Pesë persona, duke përfshirë edhe ish-drejtorin i jetimores, u arrestuan.”, përmbyllet raporti. (XH.A/SHUPLAKA)
Discussion about this post