Pas deklaratës së bëri kryeministri Edi Rama në Kongresin e PS-së në lidhje me nismën e qeverisë se do të ketë amnisti fiskale për të gjithë shqiptarët që deklarojnë pasurinë, ka ardhur edhe reagimi nga Partia Demokratike përmes ish-deputetit, Gent Strazimirit.
Strazimiri ka sulmuar kryeministrin Rama, ndërsa theksoi se ky i fundit kërkon mandat të tretë por nuk flet për rritje pagash dhe pensionesh apo ulje të taksave për shqiptarët.
Më tej ai thekson se qeveria e “çunave”, për të marrë “mandatin e tretë” nuk ka nevojë për votën e pensionistit, as të rrogtarit, as te dyqanxhiut e biznesmenit!!!.
Reagimi i plotë:
Kërkon “një mandat të tretë” dhe “800 mijë vota”, por nuk “lançon”:
– as rritje pagash,
– as rritje pensionesh,
– as ulje taksash,
– as ulje të çmimeve,
JO!
“Lançon amnesti të përgjithëshme” për paret e “çunave”… mjafton që të mos jenë pare droge (?!), prostitucioni (?!), trafiqesh…. (?!)
PSE?
Sepse e qeveria e “çunave”, për të marrë “mandatin e tretë” nuk ka nevojë për votën e pensionistit, as të rrogtarit, as te dyqanxhiut e biznesmenit!!!
Qeverisë së “çunave”, votën ia sjellin “çunat”!!!
“Çunat” me “influencat” e tyre, merren me grumbullimin e votave për qeverinë “që u qan hallet” !!!!
Qeverisë së “çunave” nuk i duhet vota për të marrë mandatin e tretë, sepse do ia marrin “çunat” … siç “morën votat” për mandatin e dytë!!!!
KAQ!!!!!!
(F.GJ/FAXWEB.AL)
