Vetëm dy ditë më parë, qeveria ka miratuar amnistinë për ata që dorëzojnë armët deri në 30 prill 2017-të. Por më parë, këta persona duhet të njoftojnë organet e rendit dhe ta kenë armën në banesë.
Ministria e Brendshme pritet të nxjerrë një udhëzim për mënyrën se si do të procedojë policia në këto raste. Por kush nuk do përfitojë nga kjo amnisti?
Sipas burimeve të TV Klan, nga amnistia nuk do përfitojnë ata persona, të cilëve iu kapen armë në rrugë apo që e mbajnë në automjete.
Po kështu nga kjo amnisti nuk do përfitojnë as personat të cilët nuk kanë njoftuar më parë policinë për posedimin e një arme dhe i gjendet një armë e tillë në banesë.
