Në mbledhjen e sotme të Komisionit të Ligjeve, deputetët e mazhorancës kanë votuar në parim projektligjin për amnistinë, ndërsa opozita ka abstenuar. I pranishëm në këtë mbledhje të “Ligjeve”, është edhe ministri i Drejtësisë, Ylli Manjani.
Në vijim të mbledhjes, të gjithë anëtarët e Komisionit të Ligjeve kanë votuar pro amnistinë për personat e dënuar deri në 3 vjet për vepra të ndryshme penale.
Ndërkaq një sërë kategorish të të dënuarve nuk do të përfitojnë amnistinë. “Propozoj që vjedhja të përjashtohet nga amnistia”, është shprehur ministri i Drejtësisë, Ylli Manjani. Nga ana tjetër anëtari Arben Ristani ka kërkuar përjashtimin nga amnistia të narkotikëve dhe krimeve elektorale.
Nuk do të ketë amnisti për personat që kanë vjedhur, të sëmurët, kultivuesit e drogës dhe manipuluesit e votës. (XH.A/SHUPLAKA)
