Gazetari dhe analisti Artur Zheji, në një shkrim të tij ka analizuar intervistën e mbrëmshme të kryeministrit Rama te Ylli Rakipi.
Sipas Zhejit, Rama hyri në emision si kryepulë dhe doli si kryegjel.
Zheji shkruan se Rama e ka kuptuar që ka rënë si kryeministër dhe nxorri mllefin ndaj gazetarëve dhe kundërshtarëve politikë.
“Qëllimi i qartë i kryegjelit apo e kryepulës kryeministër, ishte poshtërimi i gazetarëve dhe këtë Ylli Rakipi, herë në formë dhe herë jo, e lejoi me pash, pavarësisht ca kunjave dhe ca ironive pa teh të mprehtë që lëshonte aty këtu, në ndërkallje të bisedës”,- shkruan Zheji.
Edhe unë si Rakipi, shpresoj më kot që ky milet të neveritet nga fryrja dhe krekosja e kryepulës në kryegjel, live dhe i ndriçuar e xhiruar mirë në Hd. Por, një kryeministër i rënë, e mori dje një kënaqësi të madhe, pështyu dhe u tall sa mundi me gazetarët dhe gazetarinë, kur dhe është me të dyja këmbët në humnerë dhe ka ndërkohë, bilance të turpshme keqqeverisëse. Sidoqoftë kishte spektakël, të cilin Rakipi e shijoi më shumë se spektatorët, duke i dhënë shansin që s’duhej, kryeministrit që është sot në hallin më të madh të të gjithë mandatit të tij, që hyri në studio kryepulë dhe na doli kryegjel”, shkruan më tej Zheji.
Mbrëmë kryeministri Rama ishte në një bisedë 3-orësht në “Të Paekspozuarit”. (M.D/ Shuplaka)
Discussion about this post