Në analizën vjetore të Policisë së Tiranës kreu i këtij institucioni Ervin Hodaj ka vlerësuar rritjen dhe progresin e policisë në të gjtha aspektet. Sipas tij kjo është edhe një meritë e Ministrisë së Brendshme, e cila ka dhënë edhe fondet për modernizimin dhe investimet në polici.
Sipas tij ka një numër më të lartë zbulueshmvrie tv veprave penale në krahasim me vitin paraardhëse.
‘’Kësaj partulle iu instalua kamera e trupit, mjeti më i paanshëm dhe ndihmës për qytetarët. Operatorët në sallat e shërbimit bëjnë të mundur marrjen e masave dhe dërgimin në kohë reale të efektivëve të policisë atje ku është e nevojshme.
Janë pritur 219 mijë telefonata nga publiku gjatë vitit që lamë pas. Kemi shkurtuar kohën nga marrja e telefonatës, nga dhënia e ndihmës në terren.
Në raport me 2015 ka 916 ngjarje më pak. 33 vepra penale procedohen në ditë. 1100 njerëz janë proceduar për lëndë narkotike. Ka një rritje të numrit të veprave penale që lidhen me drogat dhe sidomos ato të forta. Reduktimi i shpërndrarjes së drogave në ambjente publike ka qenë një nga objektivat.’’, ka thënë ndër të tjera Hodaj.
‘’18 vrasje janë shënuar në Tiranë vetëm vitin e fundit, nga të cilat 7 janë pjesë e dhunës në familje. Ka patur një ulje të veprës ‘’vrasje penale e mbetur në tentativë’’’, ka vazhduar Hodaj.
Edhe pse në fakt për vitin 2016 ka një numër më të madh vrasjesh se një vit më parë. Po Hodaj e kushtëzon këtë me rritjen e konflikteve në familje. (E.K/SHUPLAKA)
Discussion about this post