Ancelotti hidhet në sulm kërkon të afrojë dy lojtarë të Real Madrid

Trajneri Carlo Ancelotti është i vendosur që të ndërtojë një Napoli konkurrues deri në fund të sezonit dhe për këtë ai e di se Mertens dhe Insigne nuk mund të mbajnë të vetëm mbi supe gjithë peshën e sulmit. I gjendur në të tillë situatë, Ancelotti ka menduar për dy përforcime të tjera.

Mariano Diaz, i sapo ardhur te Real Madrid nga Lyon në merkaton e verës është preferenca numër një e Ancelotti, kështu ka bërë me dije “La Gazzetta Dello Sport”, të cilët theksojnë se sulmuesi pëlqehet shumë nga trajneri dhe duke parë faktin që nuk po arrin të përshtatet si duhet te “Los Blancos” mund të tentojë ta afrojë te Napoli.

Por veç kësaj, “Corriere Dello Sport” ka zbuluar edhe më shumë, pasi sipas tyre Ancelotti është i interesuar edhe për mesfushorin Marcos Llorente, të cilin trajneri e njeh mirë si lojtar dhe do të tentojë ta marrë në formë huazimi 23-vjeçarin, që aktualisht është i huazuar te Alaves.

(B.B/ Faxweb.al)