Analisti Andi Bejtja ka treguar me anë të një video se çfarë do të bëjë nëse Edi Rama pas 25 qershorit do të fitojë 71 mandate për të krijuar qeverinë.
Kështu ai shkruan se do rrotullojë trendin e momentit, një “spinner” që përdoret për të larguar stresin apo ndjesi të tjera si ankthi.
Por në Shqipëri, “spinneri” duket se është simbol i të mos bërit gjë por thjesht ta rrotullosh “për qejf”.
Dje Bejtja shkruante për një “big mak” apo standrtet e zgjedhjeve.
“Situata ku ndodhemi është disi paradoksale dhe e pajetuar më parë, kur dy liderët e partive të mëdha rrinë buzë Big Mak-ut, gati në garë se kush do kafshojë më shumë, ndërkohë që Metës, Idrizit apo dhe Blushit i ka rënë ylli i historisë: janë të dënuar që të mendojnë për standardet. Lufta është e hapur dhe e lexueshme.
Sot nuk shtrohet më pyetja kush parti do t’i fitojë zgjedhjet, kush do marrë 71 vota, kush do bëjë koalicion me kë. Sot ka vetëm një luftë të hapur dhe një finale: kush do fitojë BIG MAK-u apo standardet. Tubetet me kech-up do vazhdojnë të hidhen mbi qoften e prishur të Big Maku-t e ne s’na mbetet gjë tjetër të shohim nëse do e hajë ky popull këtë qofte siç po e ha Luli me lezet dhe dalëngadalë”,-shkroi dje Bejtja.
(M.D/Shuplaka)
