Analisti Andi Bushati i ftuar në rubrikën “Opinion” në News24”, është shprehur në lidhje me garën për kreun e PD-së se Lulzim Basha është kandidati i preferuar i ish-kreut të PD-së, Sali Berisha.
Ai shton se në këtë përfundim arrihet nëse analizohet sjellja e Berishës, pasi edhe në zgjedhjet e 2013-ës brenda PD, pas dorëheqjes së Berishës, ky i fundit është sjellë në të njëjtën mënyrë si tani.
“Berisha mbështet kandidaturën e Bashës. Nuk kam ndonjë fakt, por analiza është e tillë. Po të shohësh veprimet e Berishës në 2013, mënyra si ai organizoi garën mes Bashës e Olldashit, tregon si u bë gara, duke krijuar imazhin e një fushate të qetë, pa përplasje mes kandidatëve. Janë të njëjtat simptoma që shohim edhe në garën e 2017, pra një kopjim i garës së 2013 që e ka konceptuar dhe organizuar Berisha. Ndaj them që edhe në këtë të tanishmen, është Berisha. Ndaj Berisha ia lejoi Bashës t’i përzërë të gjithë rivalët e mundshëm, kritikët e tij, që ta gëzojë të gjithë partinë”, u shpreh analisti Andi Bushati. (S.SH/Shuplaka)
