Andi Lila largohet nga Janina, tregon ku dëshiron të luajë pas 3-vitesh dhe te cila skuadër do ikte me vrap

Futbollisti i Kombëtares Andi Lila e ka mbyllur aventurën e tij me Pas Janinën.

Për Supersport, Lila u shpreh se nuk ka vendosur për të ardhmen dhe se për momentin do të pushojë, por theksoi se në Shqipëri kthehet vetëm te Tirana.

“U mbyll sezoni në Greqi, pas dy sezonesh ku nuk kam bërë pushime as në verë as në dimër, ndaj mendoj që të qetësohem për disa ditë dhe më pas duke parë duke bërë. Se kam menduar akoma nëse do kthehem në Shqipëri dhe mendoj që pas tre vitesh mund te kthehem te Tirana”, -u shpreh Lila.

Lila tha po ashtu se nëse do të kishte një ofertë nga Lugano i Zvicrës ku është Tramexani.

“Normalisht me Paulon kam marrëdhënie të jashtëzakonshme, pasi ai ishte njeriu që komunikonim gjithë kohën. Kemi kontakte sërish, teksa urojmë njëri-tjetrin pas fitoreve. Jam i kënaqur që po bën një punë të jashtëzakonshme me Luganon, duke shkuar drejt kupave të Europës. Është një trajner i ri, por mendoj se është një trajner i madh dhe nëse do kisha një ofertë nga ai, normalisht do ikja me vrap”.

Lila foli edhe për eksperiencën me PAS Janinën.

“Kam kaq vite këtu dhe qyteti i Janinës është shumë i bukur. Do jetë një shtëpi e dytë, pasi kam shumë miq brenda dhe jashtë futbollit. Gjithmonë do kthehem këtu kur të kem mundësi, pasi është një qytet i mrekullueshëm”.

(M.D/Shuplaka)