Andi Lila pas 6 sezonesh duket se do t’i japë fund aventurës së tij me Pas Janinën.
Mbrojtësi i kombëtares shqiptare flitet se do të largohet nga skuadra greke në fund të këtij sezoni për tu transferuar në Azerbajxhan, shkruan SuperSport.
Lajmi është konfirmuar nga mediat greke dhe ato azere, të cilat nuk e zbulojnë emrin e skuadrës, por faktin se 31-vjecari është sponsorizuar nga një tjetër futbollist i kombëtares shqiptare, Ansi Agolli i cili aktivizohet prej vitit 2010 te Qarabagu.
Marrëveshja mes dy palëve është 90% e përfunduar dhe pritet të zyrtarizohet javën e ardhshme. Kontrata me Pas Janinën i përfundon në qershor.
Me Pas Janinën në këto 5 vite e gjysmë, Lila ka zhvilluar 136 ndeshje duke realizuar 8 gola.
Në sezonin 2014-2015 ai u largua për disa muaj nga skuadra greke për të shkuar te Parma.
(M.D/ Shuplaka)
