Avokati Altin Goxhaj ka publikuar një foto ku shihet Aneta Rama, nëna e Edi Ramës së bashku me deputetin nën hetim Aqif Rakipin dhe Gazmend Demin.
Siç komenton Goxhaj për “Shuplakën” fotoja është shkrepur tek kafeneja e Demit pranë ”Librit Universitar”.
Gazmend Demi është presidenti i klubit kryeqytetas të futbollit, Partizanit. Pak ditë më parë kryeministri Rama ka takuar Adriatik Llallën për Aqif Rakipin, takim që erdhi pas depozitimit të kërkesës së PD-së për të verifikuar formularin e dekriminalizimit për Aqif Rakipin.
Në takimin e mbajtur Llalla vuri në dijeni Kryeministrin se Prokuroria e Përgjithshme ka nisur verifikimin e thelluar ndaj deputetit Aqif Rakipi disa muaj më parë.
PD i ka bërë një kërkesë Prokurorisë dhe KQZ-së për deputetët Aqif Rakipi dhe Gjetan Gjetanin pasi sipas tyre janë me rekorde kriminale.
“Të verifikohet vetëdeklarimi i deputetit Aqif Rakipi. Verefikim Rakipit pasi ka rekorde kriminale në Itali. Prokuroria dhe KQZ nuk verifikuan të dhënat”, thuhej në kërkesën e PD-së.
Nuk dihen plotësisht rrethanat e këtij takimi por të tre personazhet duken shumë të afërt e miqësorë me njëri-tjetrin, ndërsa fytyrat e tyre janë shumë serioze. Çfarë kanë qenë duke diskutuar?
(B.H/Shuplaka)
