Ndryshe nga anëtarët e tjerë të KQZ-së, Klement Zguri po ndjek me shumë vëmendje procesin e rinumërimit të 72 të kutive të votimit.
Në sallën ku po rinumërohen kutitë e votimit Zguri është duke monitoruar sesi po kryhet ky proces. Ai është në ankth pasi procesi i rinumërimit duhet të përfundojë me sukses, duke iu dhënë kështu një zgjidhje ligjore ankimimeve të partive.
Kreu i KQZ-së ashtu edhe siç shihet në fotot e mëposhtme lëviz rreth tavolinave për të parë nëse gjithçka po shkon mirë dhe me ritmet e duhura. Madje ka raste edhe edhe komunikon me numëruesit sesi po ecën procesi.
Por anëtarët e tjerë nuk kanë bërë të njëjtën gjë, ata janë në hesap të tyre. Denar Biba bashkë me Bledar Skënderin shfaqen me telefona në duar, në këmbë, madje edhe të buzëqeshur. Midis tyre nuk mungojnë as bisedat e shkurtra në vesh.
Po kështu edhe anëtarët e tjerë ashtu siç shihen edhe në fotot e mëposhtme kanë në duar telefonat e tyre.
Të gjithë anëtarët edhe kryetari i KQZ-së janë të detyruar të qëndrojnë në sallën ku po bëhet rinumërimi. (J.V/Shuplaka)
[ngg_images source=”galleries” container_ids=”2408″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post