Një pjestar i ISIS-it, është shpallur fajtor nga gjykata e Old Baileyt, pasi ka planifikuar një sulm për të vrarë kryeministren Theresa May.
Naa’imur Rahman, 20-vjeçari nga veriu i Londrës, donte të lëshonte një bombë në ‘Downing Street’ dhe më pas një sulm përfundimtarë duke e vrarë në këtë mënyrë kryeministren, shkruan Mail Online.
Ai kishte menduar të shpërthente me anë të një pajisjeje derën kryesore dhe më pas të përfitonte nga rrëmuja, për t’u futur në godinë dhe për të ekzekutuar kryeministren me thikë.
Komploti u zbulua nga FBI dhe MI5 pasi një agjent paraqitet si udhëheqës i ISIS në internet në mënyrë që të zbulojë planet e Rahman, duke rënë në gjurmët e 20-vjeçarit dhe planit të tij të rrezikshëm.
“Nr. 10 Downing Street” është rezidenca zyrtare dhe zyra e kryeministrave britanikë. Ajo është ruajtur nga masa të forta sigurie dhe ka një portë në fund të rrugës, ku publiku dhe turistët mund të shkrepin foto të shtëpisë.
Ne po flasim për një individ që do të kishte vrarë dhe plagosur një numër njerëzish, duke përfshirë zyrtarët e policisë dhe njerëz që mund të ndodheshin rastësisht aty”, tha Dean Haydon, kreu i Komandës kundër Terrorizmit në Policinë Metropolitane.
(E.V/Faxweb.al)
