Anëtari i kryesisë së FRPD-së flet pa dorashka: A e mundim Ramën sikur të shkojmë në zgjedhje? Kemi një ngërç moral me LSI-në

I ftuar në ‘Fax News’ anëtari i kryesisë së FRPD-së Andi Përmeti thotë se PD ka një ngërç moral me LSI-në pasi brenda i muaji kemi qëndrime krejt të ndryshme të PD-së në raport me këtë parti.

Përmeti kujtoi akuzat e PD-së gjatë fushatës elektorale që u drejtuan ndaj LSI-së sikur kjo e fundit ishte e keqja më e madhe, ndërsa pas humbjes së zgjedhjeve PD nuk u tregua koherente me ato që thoshte duke ndryshuar qëndrim për LSI-në.

Ai tha se do të marrë pjesë në protestë pasi ka shumë arsye për të protestuar dhe pjesëmarrja duhet të jetë masive, por shtoi se mbetet për tu parë nëse opozita ka ngjallur besim në popull. Ai tha se gjatë këtyre ditëve ka vënë re një paradoks tek njerëzit. Siaps tij ata kanë dëshirë të protestojnë por edhe mungesë besimi tek opozita se mos zhgënjehen përsëri sin ë rastin e çadrës.

“Protesta është shumë e rëndësishme për shkak të situatës aktuale, kemi krizë të rëndë ekonomike, droga e tjerë, por është edhe krizë morali. Në vendet ku kam shkelu kam hasur paradoks, njerëzit kanë dëshirë për të protestur dhe mungesë besimi tek opozita, më kanë thënë që i’u besuam njëherë më çadrën.

Qëllimim kryesor është rrëzimi i Edi Ramës. Pjesëmarrja duhet parë dhe duhet pritur. Çdo intelaektual, akademik, qytetarë duhet të jetë në protestë. Ngelet në revoltën e popullit, mbetet për të parë nëse opozita ofron besim, duhet parë në protestë dhe më pas.

Ka një ngërç me LSI-në sipas mendimit tim, ngërci është tek PD, se duhet të jesh koherent në ato që thua. Pas protestës në cadër PD në mënyrë ta pakuptimtë sulmoi LSI-në. Kur ti ke ke sulmuar LSI-në dhe vetëm 1 muaj më pas bashkëpunon humb besueshmërinë në popull. Ne duhet të jemi koherent.

Ngërçi është tek zoti Basha që nuk po ngjall besimin në popull dhe kjo për shkak të mungesë së koherencës së veprimeve. Ja zëmë se ra Rama dhe shkojmë në zgjedhje, a e mundim Ramën në zgjedhje në këtë gjendje? Kam frikë se jo”, tha Përmeti.

Duke iu rikthyer platformës që i është paraqitur kryetarit Basha nga zërat kritikë Përmeti tha se nuk kanë marrë ende një përgjigje.

Ai rishprehu qëndrimin e tij të mëparshëm si i pakënaqur në lidhje me drejtimin e partisë nga ana e Bashës. Duke iu rikthyer rezultateve të zgjedhjeve të 25 qershorit, Përmeti tha se me një keq-qeverisje të tillë nga ana e Ramës, PD humbi në mënyrë katastrofike dhe kjo tregon sipas tij se problemi është tek mënyra si Basha ka drejtuar partinë. (B.H/Faxweb)