Pas intervistës së parë të aktores Angelina Jolie pas ndarjes, reagon ish-bashkëshorti i saj aktori Brad Pitt. Sipas portalit të shoëbizzit amerikan “HollywoodLife”, intervista e gjatë e ish-bashkëshortes për BBC-në, ku ajo filloi të lotonte për ndarjen, nuk i ka pëlqyer fare aktorit. Kjo sepse sipas Pitt, Jolie aty u paraqit si viktimë.
“Brad ishte i dëshpëruar nga intervista ku Angelina qante. Atij nuk i pëlqente që ajo u paraqit si viktimë pasi sipas tij ajo nuk është viktimë në gjithë këtë dramë. Gjithë çfarë Brad dëshiron është që të finalizohet divorci dhe të arrijë në një marrëveshje për kujdestari të përbashkët për fëmijët e tyre”, ka thënë një burim për portalin.
Një ditë më parë, Jolie tha se pavarësisht ndarjes, ajo dhe Pitt do të mbeten gjithmonë një familje.
‘’Unë nuk dua të flas shumë për këtë, por ama mund të them që kjo ka qenë një periudhë shumë e vështirë për familjen tonë. Ne jemi një familje dhe përherë do të mbesim të tillë. Shumë njerëz mund të vuajnë të njëjtën situatë si ne. Fokusi im kanë qenë dhe do të jenë fëmijët e mij’’, ka deklaruar aktorja për BBC.
Ndarja e çiftit të famshëm, është konsideruar si një nga ngjarjet më tronditëse të 2016-ës, saqë në titujt e shumë mediave shkruhej: “Dashuria vdiq!” (D.D/Shuplaka)
