Policia britanike ka deklaruar në lidhje në një incident të frikshëm pasi ka gjetur një burrë dhe një grua në një gjendje kritike, të cilët mund të jenë ekspozuar ndaj një substance të panjohur pranë qytetit jugor anglez Salisbury.
Policia në Wiltshire, ku ish spiun rus Sergei Skripal dhe vajza e tij Julia u helmuan me një agjent nervash në mars, thanë se një burrë dhe një grua u gjetën të pavetëdijshëm të shtunën në Amesbury.
“Policia e Wiltshire dhe partnerët këtë mbrëmje kanë deklaruar një incident të madh pasi dyshohet se dy persona mund të kenë qenë të ekspozuar ndaj një substance të panjohur në Amesbury”, tha policia të martën vonë.
Çifti, të dy rreth 40 vjeç, fillimisht besohej se kishin marrë heroinë ose ndonjë përzierje kokaine nga një grup drogash të kontaminuar.
“Megjithatë, testimi i mëtejshëm është duke vazhduar për të kuptuar substancën që çoi në gjendje alarmante këta pacientë. Gjithashtu jemi duke hetuar me mendje të hapur për rrethanat e këtij incident”, tha policia.
“Në këtë fazë nuk është ende e qartë nëse është kryer një krim. Është krijuar një hetim policor. Përveç kësaj, një përgjigje e plotë e shumë agjencive është bashkërenduar. “, thanë autoritetet angleze.
Amesbury shtrihet shtatë kilometra në veri të Salisbury, ku agjenti rus Sergei Skripal dhe e bija Julia u gjetën të pandërgjegjshëm në një stol më 4 mars.
Policia tha se dy anët në Amesbury dhe Salisbury ku ata besohet se burri dhe gruaja që gjenden i kishin frekuentuar do të mbylleshin si një masë paraprake.
Një zëdhënës anglez së Shëndetit Publik (PHE) tha se nuk kishte një rrezik të konsiderueshëm për publikun e gjerë.
Discussion about this post