Kanë humbur betejn me koronavirusin 368 njerëz të tjerë në të gjithë Anglinë, Skocinë dhe Uellsin, sipas shifrave të fundit nga spitalet. Kjo është shifra më e ulët për periudhën njëditore gjatë muajit prill.
Autoritetet shëndetësore britanike thanë se 336 vdekje ishin regjistruar, duke arritur në total 18.420.
Në Uells janë regjistruar edhe 14 vdekje të tjera duke shkuar në total 788 ndërsa në Skoci ka pasur 18 vdekje të tjera, gjithsej 1,249.
Shifrat nuk përfshijnë vdekjet në shtëpitë e kujdesit ose mjediset e tjera.
Shifrat e fundit për Irlandën Veriore dhe Mbretërinë e Bashkuar në tërësi pritet të bëhen publike më vonë.
Britania është ndër vendet më të prekura nga Covid-19 në Evropë, pas Italisë, Spanjës dhe Francës. Në kulmin e pandemisë, në këtë shtet vazhdimisht janë shënuar mbi 800 viktima në ditë.
Qeveria britanike është zotuar se deri në fund të muajit do ta arrijë qëllimin për kryerjen e 100 mijë testeve në ditë, bëri të ditur ministri Dominic Raab.
(F.GJ/FAXWEB.AL)
