Plot 51 refugjatë sirianë, kanë mundur të shpëtojnë nga mbytja në Detin Egje, falë ndërhyrjes në kohë të anijes shqiptare “Oriku”.
Ajo ka qenë duke patrulluar në det kur ka ndërhyrë për të shpëtuar anijen me refugjatë që ishte nisyr nga brigjet e Turqisë drejt brigjeve greke.
Ndër të shpëtuarit, të cilët u morën në dorëzim nga anija “Frontex” raportohet se ishin 17 gra, 12 fëmijë dhe 21 burra.
Anija “Oriku” e Forcës Detare shqiptare është e angazhuar në operacionin për NATO-n në Detin Egje për parandalimin e fluksit të emigrantëve të paligjshëm.
“Gomonia ishte nisur nga brigjet e Turqisë drejt brigjeve greke. Menjëherë, anija Oriku njoftoi anijen flamurtare, “RB” turke, greke dhe “Frontex”. Njëkohësisht, pas njoftimit, anija “Oriku” shkoi në rajonin ku ndodhej gomonia dhe ofroi ndihmë deri në mbërritjen e anijes “MAI 1102 FRONTEX” dhe “RB” turke.
Në orën 08:37, gomonia u mor në dorëzim nga anija e Frontex “MAI 1102”, e cila kreu operacionin e imbarkimit të personave në të. Pas dorëzimit, nga të dhënat e marra nga anija e “FRONTEX”, në përfundim të operacionit, u verifikua se, në bordin e gomones ishin 51 persona, nga të cilët, 17 gra, 12 fëmijë dhe 22 burra”, citohet në njoftim.
(XH.A/SHUPLAKA)
