Arta Marku me anë një kërkese drejtuar Këshillit të Lartë të Prokurorisë kërkon informacion për mënyrën e vlerësimit në garën për kryeprokuror, ku u vlerëzuar me 406 pikë.
Në kërkesën drejtuar KLP-së, prokurorja e përkoshme në dtyre, kërkon që ti vihet në dispozicion, pikëzimi i detajuar prej secilit anëtar të Këshillit të Lartë të Prokurorisë me analizën dhe metodologjinë përkatëse të vlerësimit të ndjekur nga secili anëtar.
Ndërkohë pikëzimi i bërë nga KLP ishte: 459 Olsian ÇELA, 406 Arta Marku dhe 362 Fatjona Memçaj.
Kjo lëvizje e Markut vjen në një kohë që KLP ia ka dorëzuar renditjen Parlamentit. Në krye të listës së KLP qëndron Olsian Cela, ndërsa Arta Marku është e dyta.
Marku qëndron në postin e kryeprokurores prej 2 vitesh. Ajo u zgjodh në këtë detyrë vetëm me votat e mazhorancës, ndërsa kandidatura e saj ka qenë e anatemuar vazhdimisht nga opozita. Zgjedhja e saj u cilësua si antikushtetuese, ndërsa betimi i Markut në Parlament u shoqërua me protesta nga PD-LSI dhe trazira.
Pak ditë më parë Arta Marku u intervistua nga Këshilli i Lartë i Prokurorisë sepse ka shprehur interesin për të vijuar detyrën e kryeprokurores, por këtë herë me mandat të plotë 7-vjeçar.
KLP bëri këtë renditjen të enjten dhe dha 3 ditë afat për ankimim. Duke përjashtuar ditët e fundjavës, dita e sotme duhet të ishte dita e fundit për ankimim, por nuk dihet nëse Marku kishte ende afat për ta kryer një diçka të tillë.
Për këtë çështje pritet të shprehen organet kompetente, për të kuptuar nëse lëvizja e saj ishte brenda afatit ligjor.
(M.Q/Faxweb.al)
