Trupi gjykues i Kolegjit të Posaçëm të Apelimit, kryesuar nga Rezarta Schuetz, Natasha Mulaj relatore dhe anëtarë Albana Shtylla, Ina Rama, Sokol Çomo, kanë shqyrtuar gjatë ditës së sotme në dhomë këshillimi çështjen që i përket prokurorit Arben Nela kundër vendimit të Komisionit të Posaçëm të Kualifikimit.
Sipas KPA në përfundim të gjykimit, të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, trupi gjykues i Kolegjit të Posaçëm të Apelimit, në mënyrë unanime, vendosi lënien në fuqi të vendimit të KPK-së duke deklaruar se ky vendim është përfundimtar.
Njoftim vendimi:
Trupi gjykues i Kolegjit të Posaçëm të Apelimit kryesuar nga Rezarta Schuetz, Natasha Mulaj relatore dhe anëtarë Albana Shtylla, Ina Rama, Sokol Çomo, sot, më datë 16.04.2019, shqyrtoi në dhomë këshillimi, çështjen (JR) nr.28/2018, datë 05.11.2018 që i përket ankimit të subjektit të rivlerësimit Arben Nela kundër vendimit nr. 44, datë 23.07.2018 të Komisionit të Pavarur të Kualifikimit.
Në përfundim të gjykimit, bazuar në nenin 66, pika 1, germa “a”, të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, trupi gjykues i Kolegjit të Posaçëm të Apelimit, në mënyrë unanime, vendosi:
- Lënien në fuqi të vendimit nr. 44, datë 23.07.2018, të Komisionit të Pavarur të Kualifikimit që i përket subjektit të rivlerësimit Arben Nela.
- Ky vendim është përfundimtar, me efekt të menjëhershëm.
U shpall sot në Tiranë, më datë 16.04.2019.
Kujtojmë se Arben Nela është shkarkuar nga detyra gjatë verës së kaluar. Ai ishte kandidat edhe për KLP-në. Sipas vendimit të dhënë në KPK Nela akuzohet për fshehje të pasurisë.
Pas dhënies së vendimit Arben Nela u shpreh se KPK funksionon me standarde të dyfishta, e sipas tij vendimi nuk është i bazuar, duke ndjekur kështu procedurën e apelimit.
Në deklarimin e pasurisë Nela rezulton të ketë marrë shuma të mëdha borxh, nga motra e gruas së tij. ILDKPI ka thënë se prokurorit i është gjetur deklarim i pasaktë, ndërsa vetë Nela e ka mohuar këtë, duke thënë se raport ishte i shtrembëruar (lexo këtu).
(F.GJ/FAXWEB.AL)
Discussion about this post