Një trup i pajetë është pikasur nga disa peshkatarë mëngjesin e sotëm. Teksa kanë qenë duke lundruar, ata kanë vënë re në ujërat në afërsi të ishullit të Sazanit një trup të pajetë.
Kufma është ende e paidentifikuar, por në morgun e qytetit kanë mbërritur 2 familje, të cilët janë familjarët e dy persanve të zhdukur në 11 mars.
Ngjarja:
Është njoftuar menjëherë Roja Bregdetare, që ka shkuar në vendngjarje, rreth 1 milje larg bregut. Mësohet se Delta Force ka nisur punën për nxjerrjen e trupit të viktimës.
Dyshohet se i pajeti ka disa ditë në ujë, ndërkohë që ende nuk ka informacione për identitetin e tij.
Detaje të Policisë së Vlorës:
Rreth orës 09:00, në det pranë Ishullit të Sazanit, është konstatuar një trup i pajetë, mbi sipërfaqen e ujit. Menjëherë shërbimet e policisë kanë shkuar në vendngjarje dhe kanë konstatuar se trupi i pajetë ndodhet mbi sipërfaqen e ujit në afërsi të bregdetit, në pjesën e veriut të Ishullit të Sazanit.
(J.V/Shuplaka)
Discussion about this post