”Anxhelon e nxorri jashtë mësuesja ndërsa tjetrin e futi dhe pse erdhi pas tij”, rrëfimet e miqve të 17-vjeçarit që u vra në Durrës (Video)

Anxhelo Gjokazaj, 16 vjeç u vra dje në Durrës nga ana e bashkëmoshatarit të tij.

Me lot në sy miqtë e tij shprehen se ai ishte një nga djemtë më të mirë të klasës. Ata shtojnë se gjatë ditës së djeshme ai kishte mbërritur me 10 minuta vonëse në shkollë dhe mësuesja e kishte nxjerrë jashtë klase.

‘’E ka nxjerrë mësuesja kujdestare nga klasa se erdhi pak minuta nga klasa, një tjetër ka ardhur dhjetë minuta më me vonesë se Anxhelo dhe zysha e ka future brenda. Ka qenë shumë djalë i mirë, i respektueshëm”, shprehen shokët e klasës së Anxhelos.

17-vjeçari Devi Lala e ka pranuar krimin e kryer dhe ka rrëfyer dhe dinamikën e ngjarjes së rëndë.

Ai thotë se me Anxhelon është ndeshur në lagje dhe gjithçka ka nisur për shkak të një shikimi.

”U ktheva në lagje, aty ku rri gjithnjë. Aty u hasa me Anxhelon. Po më shikonte. Pse më shikon i thashë, ka ndonjë gjë për të parë?! Ai më ofendoi, më shau.

I thashë, pusho se do ta pësosh keq, ai vazhdonte të më shante. Edhe unë nisa ta shaja dhe u përleshëm fizikisht. Në një moment nxora thikën dhe e qëllova disa herë. Nuk më kujtohet se sa herë i qëllova, pasi isha në gjaknxehtësi e sipër. Por, pashë që mbeti i shtrirë në tokë dhe u mbulua nga gjaku. Në këtë moment u tremba dhe u largova.

Pak metra më tej hodha thikën në një kanal. Nuk kishim ndonjë konflikt, thjesht antipati për njëritjetrin”, mësohet të jetë shprehur ndër të tjera 17-vjeçari për ekspertët e Policisë që e kanë marrë atë në pyetje. Adoleshenti që humbi jetën, Anxhelo Gjokazaj, ishte nxënës në shkollën profesionale “Hysen Çela”, ndërsa 17- vjeçari, Devi L., i cili e qëlloi me thikë, mësohet se është nxënës në shkollën “Naim Frashëri”.

(E.K/FAXWEB)

https://www.youtube.com/watch?v=FLR1y0KI3Fk&feature=youtu.be