Pas apelit në Fax news për ndihmën që duhet t’i ofrohet vajzës së vogël Kleas, e cila është djegur në çdo pjesë e trupit, ka qenë i madh numri i njerëzve që kanë dhuruar vlera monetare. Këngëtari Noizy ka postuar një video në ‘Intagram’, ku falenderon të gjithë donatorët. “Ështe jashtë mase i madh donatorëve prandaj nuk mund të permend te gjithe, ju e dini kush jeni dhe ska nevoj per me shume info. Ju Falenderoj nga zemra. Ju Falenderon familja Vajzes vogel dhe uratat e tyre qofshi mbi gjith ju. God Bless. Neser zemra vogel shtrohet per operimin e 3’t dhe final, lutjet e mia shkojn Per te”, përfundon këngëtari
Ndërkohë që kujtojmë se mengjesin e sotëm babi i Kleas ka bërë një apel në Fax news. Klea, ende pa mbushur dy vjeç po lufton me jetën në një spital në Itali, si pasojë e djegieve të mëdha që ka marrë në trup.
Vogëlushja ka pësuar djegie të shkallës së lartë në 50% të trupit, ndërsa i nevojiten rreth 20 mijë euro për të kryer ndërhyrjet në trup. Babai i saj, Ledian Çuedari, tregon situatën e vështirë me të cilën jetojnë në ankth e gjithë familja çdo moment.
Babai i të voglës bën apel për ndihmë. Kushdo që ka mundësi të japë ndihmë në vlerë monetare mund t’i gjejë numrat e llogarisë, në adresën e tij në rrjetet sociale.
‘’Gocën e kam sëmurë është djegur me qumësht, e cova në Tiranë dhe spitali nuk ma mbajti, u detyrova që ta nisja me avion privat në Itali. Transporti më kushtoi 14 mijë euro, të gjitha këto u mblodhën shyqyr zotit nga familjarët e mij.
Doktorët nuk na kanë dalë 100% garant për gocën. U kërkoj ndihmë të gjithë miqve të mij, shokëve dhe të gjithë shqiptarëve që të vënë dorën në zemër, sado pak që të japin për mua është një ndihmë shumë e madhe. Dua që vajza të kthehet e rregullt në fytyrë, të loz me mua, të qeshë me mua”, shprehet i ati.
(E.V/ faxweb.al)
Discussion about this post