Studiuesi Kastriot Dervishi, ish-drejtoi i Arkivit të Ministrisë së Brendshme, zbulon disa fakte të reja në lidhje me ish-kryetarin e Gjykatës së Lartë, Aranit Çela, një nga emrat e njohur të regjimit komunist.
Me anë të një statusi në rrjetin social ‘Facebook’ Dervishi thekson se në vitin 1941 Aranit Çela kërkonte të punësohej në administratën fashiste të kohës.
Ja çfarë shkruan Kastriot Dervishi:
Në vitin 1941 Aranit Çela kërkonte të punësohej në administratën e fashizmit
Në vitin 1941, Aranit Çela në vend që të merrte armët e të luftonte okupatorin që kish zaptuar vendin, bënte kërkesa për t’u përfshirë në administratën e pushtuesit. Kjo është kërkesa që Aranit Çela i bën Ministrisë së Drejtësisë për të marrë pjesë në konkursin e nënsekretarëve gjyqësorë. Kërkesën e ka shkruar me seriozitet maksimal, madje nuk ka harruar të shënojë as vitin e 19-të fashist. Sipas të dhënave të tjera, nuk rezulton që Çela të jetë shpallur fitues në këtë konkurs. Nëse do kishte fituar, do regjistrohej menjëherë në Partinë Fashiste. Megjithatë, Aranit Çela ia doli të bëhej prokuror e gjykatës, pa pasur pikën e turpit të akuzojë kot më kot si “fashistë” e “tradhtarë” qindra e qindra kundërshtarë të regjimit komunist.
Dokumenti:
Discussion about this post