Ministri i Rindërtimit, Arben Ahmetaj, ka marrë pjesë ditën e sotmë në mbledhjen e tretë të Komitetit Kombëtar të Rindërtimit ku edhe ka treguar detaje për procesin që do të drejtojë si dhe afatet kohore.
Ahmetaj tha gjatë fjalës së tij se në fund të muajit mars të 2020-s fillon procesi i rindërtimit në qytete ndërsa në zonat rurale sipas tij do të nisë më herët.
Më tej, ministri theksoi se plani i rindërtimit është i detajuar dhe që fillimi i prillit do të jetë e fillimi i rindërtimit masiv.
“Fillimi i prillit do jetë fillimi i rindërtimeve masive”, u shpreh Ahmetaj duke bërë me dije se qeveria do ketë detyrim transparencën e donacioneve dhe investimeve të çdo centi të dhuruar.
“Brenda janarit duhet të kemi draftin përfundimtar që kur të jemi duke diskutuar dhe duke iu afruar datës së Konferencës së Donatorëve të kemi draftin final. Deri dje, janë rreth 65 milionë lekë. Durrësi ka nevojë për promovim në të gjitha aspektet, por edhe Lezha, Laçi dhe Tirana. Pastrimi i territorit është i rëndësishëm, Durrësi dhe Tirana janë pastruar krejtësisht, Thumana ka përfunduar. Për shkak të ndryshimit të procedurave të përshpejtuar, janë 1020 leje për rikonstruksion.
Të gjitha bashkitë kanë filluar procesin. Hapat e rindërtimit janë shumë të rëndësishme. Fillimi i prillit të jetë fillim i ndërtimit masiv në territor, ndërsa në zonat rurale të jetë gati dy muaj më përpara. Ta kthejmë në detyrim të gjithë transparencën, çfarë donatorësh ka dhe ku do të shkojë çdo lek. Këtë duhet të bëjnë të gjitha organizatat. Pjesa shtetërore do të menaxhohet nga institucionet shtetërore, ndërsa për të tjerat do të jetë vullnetare, por unë besoj se duhet të kthehet në moto“, tha Ahmetaj teksa planin e tij e prezantonte përmes me power point teksa ka treguar edhe shumën e mbledhura të parave nga donacionet pë rindërtimin.
Sipas tabelës së mëposhtme, e-Albania e hapur nga shteti si adresë ku mund të hidhen donacione ka grumbulluar nga 6 165 subjekte rreth 65.57 milionë lekë
(F.GJ/FAXWEB.AL)
Discussion about this post