Mbrëmjen e djeshme ka pasur një debat mes Henri Çilit dhe rektorit të Universitetit të Mjekësisë, Arben Gjatën. Debati mes tyre ka nisur për cilësinë e institucioneve ku janë titullarë në emisionin “Studio e Hapur” të Eni Vasilit.
Debati ka marrë tone të larta sidomos në pjesën më të fundit të aplikimit të Reformës në Arsim, akreditimin e universiteteve. Ashtu siç edhe dihet procesi i akreditimit u ka nxjerrë probleme të shumta cilësie universiteteve shtetërore në raport me ato private, duke u reflektuar në kohën e shkurtër që u është lënë të parave për t’u rivlerësuar nga kompania e akreditimit.
Përsa i përket cilësisë së universiteteve rektori Gjata i është përgjigjur Çilit: “Sa kam unë studentë mjekësie të punësuar në Gjermani, ti nuk i ke në Shqipëri!”.
Theksojmë që nga procesi i akreditimit Univeristeti i Mjekësisë u vlerësua mirë dhe mori për 5 vitet e ardhshme akreditim. Ndërsa universitetet e tjera publike në Tiranë morën nga 1 vit akreditim. (J.V/Shuplaka)
