Arben Ndoka me duart kryq, shkon pranë banesës së të vëllait të ekzekutuar (FOTO)

Një ngjarje e rëndë ka ndodhur në orët e vona të mbrëmjes së sotme në Lezhë. Aleksandër Ndoka, vëllai i ish-deputetit Ndoka ka mbetur i vrarë.

Arben Ndoka me duart kryq, është parë të shkojë pranë banesës së të vëllait të ekzekutuar. Policia ka gjetur 14 gëzhoja në afërsi të makinës, ndërsa dyshimet e para thonë se ka pasur më shumë se 2 persona autorë të atentatit. 

Rreth orës 4 e 20 minuta të mëngjesit të sotëm teksa ishte në afërsi të banesës. Sipas ‘’Fax News” Ndoka ishte duke u kthyer në banesën e tij, ndërsa në makinë ishte i vetëm.

Familjarët thonë se nuk janë ndjerë shumë krismat. Nuk është njohur për konflikte të tij, nuk ka qenë me preçedentë penal.

Babai i Samuel Ndokës. Ai ka qenë anëtar i Këshillit Bashkiak në Lezhë, ndërsa më herët ka punuar edhe në Hipotekë, përpara vitit 2015. Po ashtu kujtojmë se në formularin e dekriminalizimit Ndoka nuk kishte deklaruar asnjë precedentë penalë.

Shërbimet e Policisë kanë shkuar menjëherë në Lagjen “Nënë Tereza”, ku kanë konstatuar se në mjetin tip “Mitsubish”, me traga AA 382 SE, ndodhej trupi i pajetë i shtetasit A. N, 48 vjeç, banues në lagjen “Nënë Tereza” Lezhë, i vrare me arme zjarri nga persona akoma të paidentifikuar.

Arben Ndoka ka qenë një nga depuetët më të akuzuar nga ana e opozitës për lidhjet e tij me krimin.

ARRESTIMI I SAMUEL NDOKËS: 

18-vjeçari Samuel Ndoka u kap me një pistoletë me 7 fishekë, teksa po lëvizte me një automjet tip “Audi” bashkë me dy persona të tjerë.

Por Samuel Ndoka nuk është një emër i panjohur për policinë. 18-vjeçari, banues në Lezhë, ishte në kërkim pasi Gjykata e Rrethit Gjyqësor Lezhë ka caktuar masën e sigurisë “Arrest me burg” për Ndokën, për veprat penale “Plagosje e lehtë me dashje”, “Prodhim dhe mbajtje pa leje e armëve luftarake dhe municionit”, “Kanosja apo dhunimi ndaj pjesëmarrësve në zgjedhje”.

Samuel Ndoka në bashkëpunim me shtetas të tjerë, njëri prej tyre i arrestuar në datë 25 Qershorit 2017, nën kërcënimin e armës kanë kanosur dhe dhunuar ditën e zgjedhjeve parlamentre shtetasin me inicialet F.D, aktivist i LSI.

DETAJET E POLICISË:

Vritet me arme zjarri vellai i ish deputetit Arben Ndokes. Banues ne Lagjen “Nënë Tereza”.

Shërbimet e Policisë kanë shkuar menjëherë në Lagjen “Nënë Tereza”, ku kanë konstatuar se në mjetin tip “Mitsubish”, me traga AA 382 SE, ndodhej trupi i pajetë i shtetasit A. N, 48 vjeç, banues në lagjen “Nënë Tereza” Lezhë, i vrare me arme zjarri nga persona akoma të paidentifikuar.

Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.

Janë ngritur pika kontrolli si dhe po bëhet krehja e zonës me qëllim kapjen e autorëve.

Në mbështetje të veprimeve që po kryhen nga D.V.P. Lezhë për kapjen e autorëve, janë dërguar edhe dy grupe të F.N.SH. Shkodër .

(E.K/FAXWEB)