Duopoli rëndon direkt në xhepat e shqiptarëve, por AKEP ka shtyrë dy herë vendimin për hyrjen në fuqi të rregullores, edhe pse rregullorja kishte kaluar në të gjitha hallkat paraprake për miratim. Në 4 tetor dhe 7 dhjetor 2021, Këshilli Drejtues i AKEP ka zgjatur dy herë afatet për hyrjen në fuqi të rregullores, e cila në shkurt të vitit të kaluar ka hyrë në fuqi.
Megjithatë pjesa më e rëndë nga kompanitë është mungesa e transparencës, të cilat veprojnë tërësisht të lira, pa i dhënë informacione të plota abonentëve për tarifat ndërkombëtare dhe pa pasur monitorim nga organet shtetërore.
“Arbitrazh” ishte pranë dyqaneve “One Telecommunications” dhe “Vodafone”, por nuk arriti të merrte një broshurë ose informacion të saktë për çmimet e thirrjeve ndërkombëtare nga Shqipëria drejt vendeve të huaja.
“Arbitrazh” kontaktoi shërbimin telefonik, por të dyja kompanitë nuk ishin në gjendje të ofronin tarifa specifike për thirrjet ndërkombëtare dhe linqe te faqet online për të verifikuar çmimet.
Në rregulloren e miratuar nga AKEP parashikohet qartësisht në nenin 6, se forma e publikimit dhe dhënies së informacionit duhet të jetë i shkruar në mënyrë të qartë në faqen e Internetit të sipërmarrësit, në pikat e shitjes të veta, të agjentëve dhe/ose të distributorëve të tij, zyrat e sipërmarrësit nëse këto përdoren edhe si pika shitje.
“Arbitrazh” kontaktoi kryetarin e AKEP nëpërmjet postës elektronike, por edhe ky insistucion edhe pse është në dijeni të problematikes, deri tani nuk ka reaguar zyrtarisht. Në vendimin e 11 mars 2021 kanë qenë të përfshirë për koment dhe Komisioneri për Mbrojtjen e Konsumatorit nga Ministria e Financave dhe Ekonomisë.
“Arbitrazh” kontaktoi zyrtarisht nëpërmjet postës eletronike me KMK-në, por deri tani nuk është kthyer asnjë përgjigje zyrtare.
Problemi tjetër serioz është shitja e numrave Vodafone dhe One Telecommunications në treg të zi, të cilat përdoren për aktivitete të dyshimta.
Kush janë pronarët e kompanive më strategjike në Shqipëri?
Në vitin 2020, Kuvendi i Shqipërisë miratoi ligjin e pronarëve përfitues për të zbuluar emrat e aksionerëve të fshehur nëpër kompani të ndryshme. Megjithatë ligji la shtigje, pasi specifikohet që pronarët deklarohen kur kanë 25% të aksioneve.
Por çfarë ndodh në këtë rast nëse aksioneri ka më pak së 25%? Në këtë rast nuk është e parashikuar në ligj dhe rrjedhimisht pronari nuk e deklaron veten, por vetëm Drejtori ose “Presta Nome” siç quhet në zhargonin Italian.
Discussion about this post