ARBITRAZH/ Ndërhyrjet estetike, qytetarët të dyzuar: Të bësh gjëra të vogla por jo me tepricë, ka nga ata që shkojnë te njerëzit e gabuar…

Sot në ekranin e “Faxnews” ka nisur emisioni “Arbitrazh”, nga Deni Turhani dhe Margarita Kola.

Kur në Shqipëri prej kohësh trupat gjyqësore nuk kanë qenë të plota për shkak të reformës në drejtësi, kur ka ndryshuar harta gjyqësore, shumë qytetarë janë përballë nevojës që zëri i tyre të dëgjohet, që çështja e tyre të marrë zë. Arbitrazh nga Deni Turhani dhe avokatja Margarita Kola do jetë dera e hapur e kujtdo që beson se përmes ndërmjetësimit mund të provojë një zgjidhje tjetër, pa përfunduar në dyert e gjykatave.

Në takimin e sotëm do të trajtohet për një operacion që nuk ka shkuar si duhet. 27-vjeçarja Ermira Çela iu drejtua klinikës “KEIT” për një ndërhyrje estetike por që nuk shkoi sic duhet.

Por si mendojnë qytetarët për ndërhyrjet estetike? Disa prej tyre kanë qenë pro, sidomos kur kanë qenë të nevojshme, ndërsa të tjerë kanë qenë kategorikisht kundër.

“Të bësh gjëra të vogla por jo me tepricë, gjarë që të bezdisin te vetja” Por jo ti bësh 2-3 herë, kjo smë pëlqen”

“Une jam pro, jo skam bërë asnjëherë. Më shumë për buzët dhe hundën”.

“Personalisht pro ndërhyrjeve që janë të nevojshme, që të ndihet shumë më mirë, por ka nga ata që shkojnë te personat e gabuar dhe e deformojnë atë.Ato pak raste që di kanë qenë të detyruara ta bëjnë”

“Unë jam kundra, nuk më pëlqejnë, njërëzi duhet të jenë ashtu natyral”.